琴晚又plan今日去城門谷影荷花，雖然天預報話今日會落雨，但心想可能起身會好天，所以照較好鬧鐘。到咗今朝6:30鬧鐘響，睇睇窗外天陰陰而且仲好訓，結果又訓過。直到8:30真係訓醒，再向外望，依然一樣天陰陰，但唔知點解突然覺得自己應該堅持下，唔可以成日放棄自己最鐘意嘅活動，所以快快起身今嘢之後就出發，希望去到城門谷都未落雨。
上咗小巴一路去到葵芳終於開始落雨，但已經搭緊車，唯有寄望快啲落完。當到了荃灣落車時，點知雨越落越大，但都已經去到，就好阿Q咁諗影唔到都去探下路，下次再去就唔洗搵，而且又有帶雨傘，可能可以影下雨景。結果開住傘搵路去城門谷，行咗20分鐘左右終於到城門谷公園，續入去探下，估唔到一到咗荷花池啲雨就停，好好體驗天公造美 :D。不過更估唔到就係個池已經圍滿人，不得不佩服啲師兄師姐對攝影的堅持。
當然我亦立即整理相機，影呀影。雨後其實影荷花都唔錯，因為有好多水珠留係花上，而且我咁遲到啲花都唔乾。有時堅持努力一下係會有好結果嘅。
剛停雨已經圍滿人的池
雖然荷花係主角，但俾我發現一個有趣的品種，我叫佢「花蝶」。
充滿水珠的荷花
「生死之交」
「誘惑」 - 今日影到我最鐘意的一張
2 則留言:
我都發覺自己好懶
好懶都無影過相
等我有時間都去影下先
就18號一齊去啦
發佈留言