之後就再買多咗兩本佢嘅作品，分別係「偵探伽利略」同「信」。之前冇睇過偵探伽利略的日劇唔知拍得好唔好睇，不過這種科學化的推理我唔太鐘意，或者因為佢所引用嘅科學理論一般人沒有認識，所好難代入故事去一齊推理。
至於「信」唔係推理小說，但當中所描寫的兄弟感情因為哥哥坐牢及弟弟因此事所受的生活壓力而逐漸產生的變化寫得好好，好無奈亦同時好悲哀。三本作品暫時最鐘意都係放學後。
而近排行書局過陣又俾另一位日本作家的作品吸引咗。今次係村上春樹的「1Q84」，其實我只係睇到書背引用的其中一段內容而吸引咗。
‘不管喜歡與否，我們已置身於1Q84年。空氣變了，風景變了，規則也變了。我們必須盡快適應這個問號的世界。像被放進陌生森林中的動物，為了生存，我們必須盡快了解並順應1Q84的規則。’
好想睇作者講嘅1Q84的世界係點，而且見到好多書局都重點推介這書，所以覺得可以一試就買嚟睇。作者描寫的方法其特別，男女角兩人各自的故事鄰流一章的發展，最初睇覺得唔慣，因為兩人的背景及生活好似完全無關，但一路睇落去，開始發現兩條平衡線好像有些交錯，不過暫時仲未明白整個故事（感覺好複雜），要繼續睇落去先得。
不過其中有句描寫人的眼睛幾有趣，令我想到一個拍攝題材。‘眼睛忽而眯起來，忽而睜大，像攝影家在調整鏡頭的光圈一樣。’
等我睇完再繼續分享。 :)
沒有留言:
發佈留言