努力生活

今日放工搭車見到馬生，佢一見到我就話我瘦咗，之後就搵咗坐係車後面嘅一位ops同事阿裝過嚟介紹我識。原來阿裝之前都有過癌病，好番之後進行咗食療身體而家好健康，所以馬生搵佢同我交流下。佢話聽日會send啲餐單俾我試下。睇見身邊嘅人咁關心自己好開心，覺得自己都應該努力啲攪好啲生活習慣，保持健康。

之後就同海豚去翻生侏羅館 2，雖然劇情有啲無聊，不過都好好笑，睇嚟輕鬆下都唔錯。啱晒海豚放鬆下啦，佢都忙咗成個幾兩個月，都好耐冇搵佢出嚟睇戲。

今日仲係K小姐生日，係到再同佢講聲生日快樂！ =D