琴日lunch個陣又做咗postman，寄咗啲張小嫻小說出去啦，唔覺唔覺咁樣寄嘢去加拿大都有五年，仲要每次都係lunch去葵芳間郵局，就算搬咗去T9都係咁，唔通這已變成我習慣？haha 今次仲用自己影嘅相做咗啲poatcard，雖然手工麻麻，始終勞作方面較差，不過用自己啲相做postcard嘅感覺都幾好（明明啲相未夠靚做postcard都硬來，自我滿足下haha）。
收工約咗海豚食飯，搭公司車去咗銅鑼灣，食飯前先去中央圖書館，真係好多書睇，仲要好多新書。咁啱那裡又攪緊攝影書展，其中有一本好想借呢。不過要等展出完咗已可以借（展覽至7月14日），到時再去。其實我想如果星期五放早去睇下書都好，佢又開得夜，九點先關閉，可以慢慢睇，唔駛好似去紅磡嗰間咁趕。
之後本來想同海豚去888食拉麵，但竟然6點半已經要等位，結果去咗樓上間日本嘢。食完飯行咗陣就番屋企啦。
根住嚟緊星期一、二都清假，六月最長嘅weekend開始啦 =D
沒有留言:
發佈留言