日文電子字典

個妹聽日就會去日本留學，之前都諗咗一段時間買樣咩禮物俾佢好，早兩日諗起日文電子字典可能有用所以就上網搵資料。發現最多人講嘅係canon出品，於是收工就去旺角啲豐澤睇，結果係搵唔到，得啲好易通、快譯通，佢地原來都有日漢字典，個sales好努力咁sell，不過又好老實咁同我講這些日漢字典功能一般，但係又話我知佢sell字典好耐啦，出面冇其他好強功能嘅日漢字典。好彩之前有做功課，唔係又中招 =D

最後諗下canon出嘅，應該佢尖沙咀個大型陳列室實有，於是即去，點知又係冇。好彩唔係得個桔，啲sales俾咗代理個地址我，係銅鑼灣嘅向日葵出版社，真係估唔到成個香港得一書局做代理，其他地方都冇，冇計，去。

跟地址去到，竟然冇這間鋪，即時冇奈啦，不過好彩又冇放棄，去管理處問問，佢地竟然有間鋪個新地址，仲要係間離街，最後終於買到。都唔知係好彩定唔好彩，行餐飽，不過都買到。

下面係canon日文電子字典嘅資料同向日葵綱址，有需要睇睇，唔好好似我咁四圍搵。
Canon 日文電子字典
向日葵出版